عہدِ جوانی میں ہم نے
دیکھے تھے کچھ خواب سہانے
ایک نئی دنیا کے فسانے
ایک نئی دنیا کے ترانے
ایسی دنیا جس میں کوئی
دکھ نہ جھیلے بھوک نہ جانے
ایک طرف تھی جنتا ساری
ایک طرف تھے چند گھرانے
ایک طرف تھے بھوکے ننگے
ایک طرف قاروں کے خزانے
ایک طرف تھی مائیں اور بہنں
ایک طرف تحصیل اور تھانے
ایک طرف تھی تیسری دنیا
ایک طرف بے باد پرانے
ایک طرف سچل اور باہُو
ایک طرف مُلا اور مسلک
ایک طرف تھے ہیر اور رانجھا
ایک طرف قاضی اور چُوچک
ایک طرف امرت کے دھارے
ایک طرف تھے دھارے جس کے
ساری دنیا پوچھ رہی تھی
بولو اب تم ساتھ ہو کس کے
ہم یہ باور کر بیٹھے تھے
سب ساتھی ہیں مزدوروں کے
سب حامی ہیں مجبوروں کے
سب ساتھی ہیں محکوموں کے
چین نے جب اک جست لگائی
یم بھی اس کے ساتھ چلے تھے
چُو نے جب آواز اٹھائی
ہاتھ میں ڈالے ہاتھ چلے تھے
مذہب کی تفریق نہں تھی
اور ہم سب ایک ہوئے تھے
.
شاعر: اعتزاز احسن
No comments:
Post a Comment