یاد کے زخم

تمہاری یاد کے جب زخم بھرنے لگتے ہیں
کسی بہانے تمہیں یاد کرنے لگتے ہیں

حدیثِ یار کے عنواں نکھرنے لگتے ہیں
تو ہر حریم میں گیسو سنورنے لگتے ہیں

ہر اجنبی ہمیں محرم دکھائی دیتا ہے
جواب بھی تیری گلی سے گزرنے لگتے ہیں

صبا سے کرتے ہیں غربت نصیب ذکرِ وطن
تو چشمِ صبح میں آنسو اُبھرنے لگتے ہیں

وہ جب بھی کرتے ہیں اس نطق و لب کی بخیہ گری
فضا میں اور بھی نغمے بکھرنے لگتے ہیں

درِ قفس پہ اندھیرے کی مہر لگتی ہے
تو فیض دل میں ستارے اترنے لگتے ہیں

تمہاری یاد

تمہاری یاد سے جب ہم گزرنے لگتے ہیں
جو کوئی کام نہ ہو بس وہ کرنے لگتے ہیں

تمہارے آئینئہ ذات کے تصور میں
ہم اپنے آئینے آگے سنورنے لگتے ہیں

تمہارے کوچئہ جاں بخش کے قلندر بھی
عجیب لوگ ہیں ہر لمحہ مرنے لگتے ہیں

ہم اپنی حالتِ بے حالتی اذیت میں
نہ جانے کس کو کیسے یاد کرنے لگتے ہیں

بہت اُداس ہوں میں غم سدا نہیں رہتا
بہت اداس ہوں میں زخم بھرنے لگتے ہیں

انہیں میں تیری تمنا کا فن سکھاتا ہوں
جو لوگ تیری تمنا سے ڈرنے لگتے ہیں

یہاں میں ذکر نہیں کر رہا مکینوں کا
کبھی کبھی در و دیوار مرنے لگتے ہیں

موضوعِ سُخن

گل ہوئی جاتی ہے افسردہ سلگتی ہوئی شام
دھل کےنکلےگی ابھی چشمئہ مہتاب سےرات
اور مشتاق نگاہوں کی سُنی جائے گی
ان ہاتھوں سے مس ہونگے یہ ترسے ہوئےرات
انکا آنچل ہے، کہ رُخسار، کہ پیراہن ہےپیراہن,
کچھ تو ہےجس سےہوئیجاتی ہےچلمن رنگیں
جانے اس زُلف کی موہوم گھنی چھائوں میں
ٹمٹماتا ہے وہ آویزہ ابھی تک کہ نہیں
آج پھر حسن دل آرا کی وہی دھج ہو گی
وہی خوابیدہ سی آنکھیں، وہی کاجل کی لکیر
رنگِ رُخسار پہ ہلکا سا وہ غازے کا غبار
صندلی ہاتھ پہ دھندلی سی حنا کی تحریر
اپنے افکار کی، اشعار کی دُنیا ہے یہی
جانِ مضموں ہے یہی، شاہد معنیٰ ہے یہی
آج تک سُرخ و سیہ صدیوں کے سائے کے تلے
آدم و حوا کی اولاد پہ کیا گزری ہے؟
موت اور زیست کی روزانہ صف آرائی میں
ہم پہ کیا گزرے گی، اجداد پہ کی گزری ہے؟
ان دمکتے ہوئے شہروں کی فراواں مخلوق
کیوں فقط مرنے کی حسرت میں جیا کرتی ہے؟
یہ حسیں کھیت، پھٹا پڑتا ہے جو بن جن کا!
کس لیے ان میں فقط بھوک اُگا کرتی ہے
یہ ہر اک سمت پراسرار کڑی دیواریں
جل بجھے جن میں ہزاروں کی جوانی کے چراغ
یہ ہر اک گام پہ ان خوابوں کی مقتل گاہیں
جن کے پر تو سے چراغاں ہیں ہزاروں کے دماغ
یہ بھی ہیں، ایسے کئی اور بھی مضموں ہوں گے
لیکن اس شوخ کے آہستہ سے کُھلتے ہوئے ہونٹ
ہائے اس جسم کے کم بخت دلآویز خطوط
اپ ہی کہیے کہیں ایسے بھی افسوں ہوں گے
اپنا موضوعِ سُخن ان کے سوا اور نہیں
طبعِ شاعر کا وطن ان کے سوا اور نہیں

ہموار کھینچ کر یا ، دشوار کھینچ کر

ہموار کھینچ کر یا ، دشوار کھینچ کر
تنگ آچکا ہوں سانس لگا تار کھینچ کر
میدان میں گر نہ آتا تلوار کھینچ کر
لے جاتے لوگ مصر کے بازار کھینچ کر
خاطر میں کچھ نہ لائے گا یہ سائلِ عشق ہے
تم روکتے ہو ریت کی دیوار کھینچ کر
اکتا چکا یہ دِل بھی، نظر بھی، میں آپ بھی
مُدت سے تیرا حسرتِ دیدار کھینچ کر
ہر گِز یہ ایسے ماننے والی نہیں میاں
دنیا کو دو لگا، سرِ بازار کھینچ کر
جاتا رہا وہ کیف، نہاں جو چُبھن میں تھا
پچھتا رہا ہوں پائوں کے اب خار کھینچ کر

عشق تیرا

تیرے سائے سے بھی مجھ کو تو گلہ رہتا ہے

غیر کیوں ساتھ تیرے میرے سوا رہتا ہے 

تیرے قدموں میں کوئی تجھ پہ فدا رہتا ہے

کشتہ ءِ خنجر تسلیم و رضا رہتا ہے 

عشق تیرا مرے سینے میں چھپا رہتا ہے 

اک سمندر ہے جو کوزے میں بسا رہتا ہے

لائے گی وعدہ ءِ فردا کی سحر کیا پیغام 

انتظار اب ترا اے بادِ صبا رہتا ہے 

میں نے تو کر لی ہے مے نوشی سے توبہ زاہد

کیوں در میکدہ ہر وقت کھلا رہتا ہے 

نشہ ءِ جرعہ ءِ صہبائے نظر سے مخمور

تیرا دیوانہ ترے در پہ پڑا رہتا ہے

یوں تو گن گن کے ہر اک جرم سے کرلی توبہ

عارف اعمال میں اک جرمِ وفا رہتا ہے 

عشق مجھ کو نہیں

عشق مجھ کو نہیں وحشت ہی سہی
میری وحشت تری شہرت ہی سہی

قطع کیجے نہ تعلّق ہم سے
کچھ نہیں ہے تو عداوت ہی سہی

میرے ہونے میں ہے کیا رسوائی
اے وہ مجلس نہیں خلوت ہی سہی

ہم بھی دشمن تو نہیں ہیں اپنے
غیر کو تجھ سے محبّت ہی سہی

اپنی ہستی ہی سے ہو جو کچھ ہو
آگہی گر نہیں غفلت ہی سہی

عمر ہر چند کہ ہے برق خرام
دل کے خوں کرنے کی فرصت ہی سہی

ہم کوئی ترکِ وفا کرتے ہیں
نہ سہی عشق مصیبت ہی سہی

کچھ تو دے اے فلکِ نا انصاف
آہ و فریاد کی رخصت ہی سہی

ہم بھی تسلیم کی خو ڈالیں گے
بے نیازی تری عادت ہی سہی

یار سے چھیڑ چلی جائے اسد
گر نہیں وصل تو حسرت ہی سہی

ڈوبنا بحر غم میں سراپائے عشق ہے

پردہ ہٹ گیا تو بھرم نہ رہیگا باقی
حسن تو حسن ہے عشق تو عشق ہے

قیس و فرہاد کیا نغمئے جاناں کیا
معرفت الہی خدائے عشق ہے

زمیں پہ رہ کے بھی رہےپورا افلاکی
وہ فرد نہیں بلکہ زمانائے عشق ہے

بغض باطل سے ہے بنیاد ایماں کی
عداوت شیطاں سے صدائے عشق ہے

تڑپ مومن کو ہے اخروی مکاں کی
اک تعلق رب سے تمنائے عشق ہے

کائنات میں پوری وہ نالہ فریاد کہاں
تڑپ یہ کسک سوز ہائے عشق ہے

حیات میدان کارزار ابتدائے عشق ہے
اجل یار مومن انتہائے عشق ہے

ڈوبنا بحر غم میں سراپائے عشق ہے
عقل ہیچ ہے جنوں خاک پائے عشق ہے

رُک ہی جاتی ہے نظر حدِ نظر تک ورنہ

تجھے کھو کر بھی تجھے پاؤں جہاں تک دیکھوں

 حُسن ِیزداں سے تجھے حُسن ِبُتاں تک دیکھوں

 دل گیا تھا تو یہ آنکھیں بھی کوئی لے جاتا

 میں فقط ایک ہی تصویر کہاں تک دیکھوں 

صرف اس شوق میں پوچھی ہیں ہزاروں باتیں

 میں تیرا حُسن تیرے حُسن ِبیاں تک دیکھوں 

تو نے یوں دیکھا ہے جیسے کبھی دیکھا ہی نہ تھا

 میں تو دل میں تیرے قدموں کے نشاں تک دیکھوں

 رُک ہی جاتی ہے نظر حدِ نظر تک ورنہ

 دل تو کہتا ہے جہاں تم ہو وہاں تک دیکھوں

ملاقات

جب ملاقات بے ارادہ تھی
اس میں آسودگی زیادہ تھی


نہ توقع نہ انتظار نہ رنج
صبحِ ہجراں نہ شامِ وعدہ تھی


نہ تکلف نہ احتیاط نہ زعم
دوستی کی زبان سادہ تھی


جب بھی چاہا کہ گنگناؤں اسے
شاعری پیش پا فتادہ تھی


لعل سے لب چراغ سی آنکھیں
ناک ستواں جبیں کشادہ تھی


حدتِ جاں سے رنگ تانبا سا
ساغر افروز موجِ بادہ تھی


زلف کو ہمسری کا دعویٰ تھا
پھر بھی خوش قامتی زیادہ تھی


کچھ تو پیکر میں‌ تھی بلا کی تلاش
کچھ وہ کافر تنک لبادہ تھی


اپسرا تھی نہ حور تھی نہ پری
دلبری میں مگر زیادہ تھی


جتنی بے مہر، مہرباں اتنی
جتنی دشوار ، اتنی سادہ تھی


اک زمانہ جسے کہے قاتل
میرے شانے پہ سر نہادہ تھی


یہ غزل دین اس غزال کی ہے
جس میں‌ہم سے وفا زیادہ تھی


وہ بھی کیا دن تھے جب فراز اس سے
عشق کم عاشقی زیادہ تھی

ادھار

ا ب عمر کی نقدی ختم ہوئی
ا ب ہم کو ادھار کی حاجت ہے
ہے کوئی جو ساہو کار بنے
ہے کوئی جو دیون ہار بنے
کچھ سال ،مہینے، دن لوگو
پر سود بیاج کے بن لوگو
ہاںا پنی جاں کے خزانے سے
ہاں عمر کے توشہ خانے سے
کیا کوئی بھی ساہو کار نہیں
کیا کوئی بھی دیون ہار نہیں
جب ناما دھر کا آیا کیوں
سب نے سر کو جھکایا ہے
کچھ کام ہمیں نپٹانے ہیں
جنہیں جاننے والے جانے ہیں
کچھ پیار ولار کے دھندے ہیں
کچھ جگ کے دوسرے پھندے ہیں
ہم مانگتے نہیں ہزار برس
دس پانچ برس دو چار برس
ہاں ،سود بیاج بھی دے لیں گے
ہں اور خراج بھی دے لیں گے
آسان بنے، دشوار بنے
پر کوئی تو دیون ہار بنے
تم کون ہو تمہارا نام کیا ہے
کچھ ہم سے تم کو کام کیا ہے
کیوں اس مجمع میں آئی ہو
کچھ مانگتی ہو ؟ کچھ لاتی ہو
یہ کاروبار کی باتیں ہیں
یہ نقد ادھار کی باتیں ہیں
ہم بیٹھے ہیں کشکول لیے
سب عمر کی نقدی ختم کیے
گر شعر کے رشتے آئی ہو
تب سمجھو جلد جدائی ہو
اب گیت گیاسنگیت گیا
ہاں شعر کا موسم بیت گیا
اب پت جھڑ آئی پات گریں
کچھ صبح گریں، کچھ را ت گریں
یہا پنے یار پرانے ہیں
اک عمر سے ہم کو جانے ہیں
ان سب کے پاس ہے مال بہت
ہاں عمر کے ماہ و سال بہت
ان سب کو ہم نے بلایا ہے
اور جھولی کو پھیلایا ہے
تم جاؤ ان سے بات کریں
ہم تم سے نا ملاقات کریں
کیا پانچ برس ؟
کیا عمرا پنی کے پانچ برس ؟
تم جا ن کی تھیلی لائی ہو ؟
کیا پاگل ہو ؟ سو دائی ہو ؟
جب عمر کا آخر آتا ہے
ہر دن صدیاں بن جاتا ہے
جینے کی ہوس ہی زالی ہے
ہے کون جو اس سے خالی ہے
کیا موت سے پہلے مرنا ہے
تم کو تو بہت کچھ کرنا ہے
پھر تم ہو ہماری کون بھلا
ہاں تم سے ہمارا رشتہ ہے
کیاسود بیاج کا لالچ ہے ؟
کسی اور خراج کا لالچ ہے ؟
تم سوہنی ہو ، من موہنی ہو ؛
تم جا کر پوری عمر جیو
یہ پانچ برس، یہ چار برس
چھن جائیں تو لگیں ہزار برس
سب دوست گئے سب یار گئے
تھے جتنے ساہو کار ، گئے
بس ایک یہ ناری بیٹھی ہے
یہ کون ہے ؟ کیا ہے ؟ کیسی ہے ؟
ہاں عمر ہمیں درکار بھی ہے ؟
ہاں جینے سے ہمیں پیار بھی ہے
جب مانگیں جیون کی گھڑیاں
گستاخ آنکھوں کت جا لڑیاں
ہم قرض تمہیں لوٹا دیں گے
کچھ اور بھی گھڑیاں لا دیں گے
جو ساعت و ماہ و سال نہیں
وہ گھڑیاں جن کو زوال نہیں
لو اپنے جی میں اتار لیا
لو ہم نے تم کو ادھار لیا

محبت ناپ لےتے ہیں

چلو آئوپِھرکبھی ٹوٹی ہوئی چوڑی کے ٹکڑے سے
وہ بچپن کی طرح پھر سے محبت ناپ لےتے ہیں

محبت ہو رہی

اُنہیں مُجھ سے محبت ہو رہی تھی
نہ کُھلتی آنکھ تو بس ہو گئی تھی

چوکھٹ پہ سر

ایک امی لقب
جب کھلے اس کے لب
اسکے لہجے سے سب

بے چراغی کے موسم میں 
سہمے ہوئے بھی دِیئے جل اُٹھے

روشنی روشنی ہر فضا ہوگئی
رنگت شہرِ جاں کیا سے کیا ہو گئی

وہ یتیمی کی چادر تھا اوڑھے ہوئے
جِس کی چھائوں میں سب بے نوا آگئے

اسکے قدموں میں تھی خاک خورشید کی
جسکے دامن میں سب انبیاء آگئے

کتنے موسٰی کے ہاتھوں میں آیا عصا
کتنے عیٰسی کو دست شفا مل گیا

ٹوٹ کر رہ گیا اسم کا دیوتا
بے خدائوں کو آخر خدا مل گیا

اسکی چوکھٹ پہ رکھ دوں میں سر اس طرح
کوئی جوتی ہو دہلیز پہ جس طرح

کون لکھے گا

مہتاب کو چہرے  کا بدل کون لکھے گا
اب میرے سوا تُجھ پہ غزل کون لکھے گا


میں سوچتا رہتا ہوں اگر لکھ نہ سکا میں
پھر مسئلہ ءِعِشق کا حل کون لکھے گا


جیسے بھی ہیں اھوال مھبت کے میری جاں
میں لکھ نہ سکا آج تو کل کون لکھے گا

بات کرے گا

دھلیز پہ پہنچوں گا تو سر بات کرے گا
خاموش فضا ہو گی تو گھر بات کرے گا


موسم کے حوادث سے تناور نہیں لیکن
کچھ روز میں آندھی سے شجر بات کرے گا


اِس وقت بدن پر ہے تو قیمت نہیں اِس کی
اُترے گا میرے تن سے تو سر بات کرے گا


اب مجھ میں وضاحت کی ذرا تاب نہیں ہے
اب تجھ سے میرا دیداءِ تر بات کرے گا


وہ ہونٹ جو مل جائیں تو دیکھنا راشد
نس نس میں محبت کا اثر بات کرے گا

نہیں آتے

اغراض کے پہلو بھی میسر نہیں آتی
مفلس کے جنازے میں تونگر نہیں آتے


حائل ہوئی اس طور محلوں کی بُلندی
اب دِن کے اُجالے بھی میرے گھر نہیں آتے


حالات کے ماروں میں کہاں خندا مزاجی
سوکھی ہوئی شاخوں پہ گُلِ تر نہیں آتے

دِل ڈوبنے لگتا تھا کبھی اشک رواں سے
اب خون بھی بہتا ہے تو چکر نہیں آتے

مسافر کہاں گیا

کیسی ہوا چلی ہے، سرِ راہ گزارِ شوق
منزل یہ پوچھتی ہے، مسافر کہاں گیا

خدا دیکھ رہا ہے

ظالم تو فقط اپنی انا دیکھ رہا ہے
میں دیکھ رہا ہوں کہ خدا دیکھ رہا ہے


پھل دار درخت اپنی جوانی پہ ہے نازاں
سوکھا ہوا ایک درخت گھٹا دیکھ رہا ہے


بجھنا تو مقدر ہے مگر لو کی لپک سے
ہے تیز ہوا کتنی دیا دیکھ رہا ہے


دعواہ تھا کہ موجوں سے لڑے گا وہ میرے ساتھ
میں ڈُوب رہا ہوں وہ کھڑا دیکھ رہا ہے


کیوں دیکھے مجھے خواہشِ امداد سے کوئی
راضی ہوں کہ مجھے میرا خدا دیکھ رہا ہے

اہل حق

یہ فقط عظمت کردار کے ڈھب ہوتے ہیں
فیصلے جنگ کے تلوار سے کب ہوتے ہیں
جھوٹ تھا دَھر میں کِس درجہ زیادہ مگر
اہل حق ہوں تو بہتر بھی غضب ہوتے ہیں

لہو کا بہنا کبھی رائگاں نہیں جاتا

ہمیں تو اس پہ یقیں اس پہ اعتماد رہا
کہ لہو کا بہنا کبھی رائگاں نہیں جاتا

جو ہونٹ کٹ کے گریں گے وہ بن کے سنگِ نوا
ستم گروں کی فصیلِ ستم گِرا دیں گے


جو آنکھ آج بہے گی وہ سِیلِ نُور صِفت
تمام تِیرگیءِ شب کے رنگ اڑا دے گی


جو دل سے آہ ہوائوں میں ہو گئی شامل
وہ کل ہر ایک چراغ سِتم بجھا دے گی


جو ہاتھ آج کٹیں گے نقیبِ جاں ہوںگے
جو سَر زمیں پہ گریں گے آسماں ہوںگے


انہیں خبر ہی نہیں وقت کے بدلنے سے
خاموش کوہ بھی شُعلے اُگلنے لگتے ہیں


جو دوسروں کے گھروں کو جلانا چاہتے ہیں
خُد اپنی آگ کی حِدت سے جلنے لگتے ہیں


ہمیں تو اپنے بدن کی نہِیں پرواہ
ہمیں عزیز ہے آواز کی بقا یارو


عضو مٹائیں گے آخر کہاں تلک ہم کو
اُدھر ہے آتِش نمرود اِدھر خُدا یارو


تمام زخم ہمیں یاد ہیں حریفوں کے


جو تیر نکلے وہ سوئے کماں نہیں جاتا
لہو کا بہنا کبھی رائگاں نہیں جاتا

یاد

کسی کے یوں بچھڑنے پر
کسی کی یاد آنے پر
بہت سے لوگ روتے ہیں
کہ رونا اک روایت ہے
محبت کی علامت ہے
میں ان پرپیچ راہوں پر
غمِ جاناں سے گھبرا کر
روایت توڑ جاتا ہوں
تمھاری یاد آنے پر
میں اکثر مسکراتا ہوں

یوں ہے

عشق ایک کرشمہ ہے ، فسوں ہے، یوں ہے
یوں تو کہنے کو سبھی کہتے ہیں، یوں ہے، یوں ہے

جیسے کوئی درِدل پر ہو ستادہ کب سے
ایک سایہ نہ دروں ہے، نہ بروں ہے، یوں ہے

تم محبت میں کہاں سود و زیاں لے آئے
عشق کا نام خِرد ہے نہ جَنوں ہے، یوں ہے

اب تم آئے ہو میری جان تماشا کرنے
اب تو دریا میں تلاطم نہ سکوں ہے، یوں ہے

تو نے دیکھی ہی نہیں دشتَ وفا کی تصویر
نوکِ ہر خار پے اک قطرئہ خوں ہے، یوں ہے

ناصحا تجھ کو خبر کیا کہ محبت کیا ہے
روز آ جاتا ہے سمجھاتا ہے کہ یوں ہے، یوں ہے

شاعری تازہ زمانوں کی ہے معمار فراز
یہ بھی اک سلسلہءِ کن فیکوں ہے، یوں ہے

نام تمھارے

ساحل، ریت
سمندر،لہریں
بستی،جنگل
صحرا،دریا
خوشبو، موسم
پھول،دریچے
بادل،سورج
چاند،ستارے

آج یہ سب کچھ نام تمھارے

خواب کی باتیں
یاد کے قصے
سوچ کے پہلو
نیند کے لمحے
درد کے آنسو
چین کے نغمے

اڑتے وقت کے بہتے دھارے
آج یہ سب کچھ نام تمہارے

روح کی آہٹ
جسم کی جنبش
خون کی گردش
سانس کی لرزش
آنکھ کا پانی

چاہت کے یہ عنوان سارے
آج سےسب کچھ نام تمھارے

کتے

راتیں جا گیں کریں عبادت
راتیں جا گن کتے
تیتھوں اتے
بھو نکنو ں بند مول نہ ہندے
جا رڑی تے ستے
تیتھو ں اتے
خصم اپنے دا در نہ چھڈدے
بھانویں وجن جتے
تیتھوں اتے
بلھے شاہ کو ئی رخت و یہاج لے
بازی لے گئے کتے
تیتھوں اتے

میری تنہائی

درد کی شام سخاوت پہ اتر آئی ہے
دھوپ سی قریہ ء وحشت پہ اتر آئی ہے

کوئی پیغام سا بھیجا ہے کسی نے شاید
اک اڑن طشتری سی چھت پہ اتر آئی ہے

روز طغیانی کی آواز بلاتی تھی اُسے
آنکھ دریا میں سکونت پہ اُتر آئی ہے

سرسراتے ہوئے پردے میں عجب گونج سی تھی
میری تنہائی بغاوت پہ اُتر آئی ہے

اتنی مدہم تو نہ تھی زرد مناظر کی صدا
ساری بینائی سماعت پہ اُتر آئی ہے

جسم جلتا ہے اندھیرے کے کفن میں لپٹا
رات دوزخ کی تمازت پہ اُتر آئی ہے

دِل میں دھیمی سی کوئی آنچ دبا رکھی تھی
بجھتے بجھتے بھی قیامت پہ اُتر آئی ہے

جیسے تسخیر کئے بیٹھی ہے دونوں عالم
آگہی اپنی عبادت پہ اتر آئی ہے

اعتبار ہے اُس کا

مجھ پہ کیسا خمار ہے اُس کا
چاروں جانب حصار ہے اُس کا


اُڑ رہی ہے جو روشنی ہر سُو
دُھول ہے یا غبار ہے اُس کا


رُخ پہ ہر دم سجائے رکھتی ہُوں
یہ تبسُم قرار ہے اُس کا


کیوں نہ میری غزل حسیں ٹھہرے
میرے حرفوں میں پیار ہے اُس کا


چین دیتا ہے ، لے کے ، بے چینی
بس یہی کاروبار ہے اُس کا


رُوح کا جیسے زندگی پر ہے
دل پہ یُوں اختیار ہے اُس کا


جیسے آنکھوں کو ہو اُجالے کا
یُوں مجھے انتظار ہے اُس کا


لوگ کچھ بھی بھلے کہیں عاشی
پر مجھے اعتبار ہے اُس کا

یار

اِک مِلدے پر دِلوں  نہ  مِلدے   نِت  پئے مِلاون سینے
وکھریاں ہو کے کرن برائیاں جیہڑے ہون یار کمینے
بعضے کئی کئی سال نہ ملدے پر اندروں ہون نگینے
اعظم  اپنا  خون  بہاون  جتھے  یار  دے  وگن پسینے

رند اور شیخ

رند بخشے گئے قیامت میں
شیخ کہتا رہا حساب حساب


مندرجہ بالا شعر ظہیر بھائی کے توسط سے پڑہا۔ درج ذیل سطریں بھائی کی نظر کے لیئے چست کی ہیں۔

رند اور شوق کی کہانی بھی
شیخ اور زہد سی پرانی ہے


رند تھا شوق میں غریق بہت
شیخ کا زہد بھی کمال پہ تھا


رند کو تھی خبر، نہ ہوش تھا اپنا
شیخ نےرکھی خبر زمانے کی


رند کو شوق سے تھا شوق بہت
شیخ پڑہتا رہا نماز بہت


رند نے ترک کیا شغل اپن
شیخ اکڑا رہا عبادت پر


شوق سے عشق کا سفر طویل بہت
زہد کی عقل کی تاویل بہت


رند نے لی پناہ ندامت میں
شیخ گنتا رہا قیام و سجود


عشق کو مل گئی بساط نئی
عقل تھی محو تماشہ سر بام ابھی


عشق کو عجز میں پناہ ملی
عقل پکڑی گئی رعونت میں

رند بخشے گئے قیامت میں
شیخ کہتا رہا حساب حساب

تاوان

اپنا تاوان لے کے چھوڑے گا۔ ۔

۔

۔

۔

عشق ہے۔ ۔ ۔ ۔ ۔ ۔ ۔ ۔

جان لے کے چھوڑے گا۔ ۔ ۔ ۔ ۔ ۔ ۔ ۔

امیر آنکھیں

اشک بہہ کر بھی کم نہیں ہوتے
آنکھیں کتنی امیر ہوتی ہیں