ربا سچیا

ربا سچیا توں تے آکھیا سی

جا اوے بندیا جگ دا شاہ ایں توں

ساڈیاں نعمتاں تیریاں دولتاں نیں
ساڈا نیب تے عالیجاہ ایں توں

ایس لارے تے ٹور کدی پچھیا ای
کی ایس نمانے نال بیتیاں نیں

کدی سار وی لئ او رب سائیاں
ترے شاہ نال جگ کی کیتیاں نیں

کتے تاندلی مال پٹوار دی اے
کدے تو نس پلس سرکار دی اے

ایو یں ھڈاں اچ کلپے جاں مری
جیو یں پھاھی اچ کنج کرلا و ندی اے

چنگا شاہ بنایا ای رب سائیاں
پولے کھاندیاں وار نہ آؤ ندی اے

مینوں شاہی نئیں چائیدی او رب سائیاں
میں تے عزت دا ٹکر منگدا ہاں

مینوں تانگ نیئں محلاں ماڑ یاں دی
میں تے جیون دی نکڑ منگدا ھاں

تو میری منے تے تیریاں میں مناں
تیری سوں جے اک وی گل موڑاں

جے اے تانگ نئ پجدی تے رب سائیاں
فیر میں جاواں تے رب کوئی ہور لوڑاں